Aqşin Abdullayev

Aqşin Abdullayev
	Abdullayev Aqşin İsmayıl oğlu
	Aqşin Abdullayev, 2015-ci il.
Doğum tarixi	1 oktyabr 1982
Doğum yeri	Kiş, Şəki rayonu, Azərbaycan SSR, SSRİ
Vəfat tarixi	25 fevral 2017 (34 yaşında)
Vəfat yeri	Xocavənd, Azərbaycan
Dəfn yeri	Kiş kəndinin kənd qəbiristanlığı, Şəki rayonu, Azərbaycan
Vətəndaşlıq	SSRİ→ Azərbaycan
Mənsubiyyəti	Azərbaycan Ordusu
Təhsili	• Bakı Ali Hərbi Məktəbi (1999–2003) • Azərbaycan Respublikasının Müdafiə Nazirliyinin Silahlı Qüvvələrin Təlim və Tədris Mərkəzi (2003–2004)
Hərbi fəaliyyəti
Qoşun növü	Quru Qoşunları
Xidmət illəri	1999 – 2017
Rütbə	mayor
Təltifləri

Aqşin Abdullayev (1982–2017) — 2017-ci il Fevral döyüşləri zamanı Azərbaycan Silahlı Qüvvələrinin şəhid olmuş mayoru.

Haqqında məlumatlar[Vizual redaktə | HTML redaktə]

1 oktyabr 1982-ci il tarixdə Şəki rayonunun Kiş kəndində anadan olub.

Təhsili[Vizual redaktə | HTML redaktə]

1988 – 1999-cu illərdə Şəki rayon 4 saylı Kiş kənd orta məktəbində,

1999 – 2003-cü illərdə Bakı Ali Hərbi Məktəbində,

2003 – 2004-cü illərdə Azərbaycan Respublikasının Müdafiə Nazirliyinin Silahlı Qüvvələrin Təlim və Tədris Mərkəzində (TTM) təhsil alıb.

Hərbi xidmətdə[Vizual redaktə | HTML redaktə]

2004 – 2017-ci illərdə Azərbaycan Respublikasının müxtəlif yerlərində yerləşən hərbi hissələrdə xidmət edib. Son vəzifəsi xidmət göstərdiyi hərbi hissənin kəşfiyyat rəisi idi.

Hərbi rütbələri[Vizual redaktə | HTML redaktə]

2003-cü ildə leytenant,

2005-ci ildə baş leytenant,

2009-cu ildə kapitan,

2013-cü ildə mayor hərbi rütbəsi alıb.

Vəfatı[Vizual redaktə | HTML redaktə]

25 fevral 2017-ci il tarixdə – 34 yaşında, Azərbaycan – Ermənistan təmas xəttində baş vermiş döyüş zamanı qəhrəmancasına həlak olub.

28 fevral 2017-ci il tarixdə, doğulduğu Şəki rayonunun Kiş kəndinin kənd qəbiristanlığında dəfn edilib. Dəfn mərasiminə on mindən çox rayon sakini ilə yanaşı, onun qulluq etdiyi hərbi hissənin əsgərləri və zabitləri, Azərbaycan Respublikası Müdafiə Nazirliyinin nümayəndələri də qatılıblar.

Təltif və mükafatları[Vizual redaktə | HTML redaktə]

“Qüsursuz xidmətə görə” II dərəcəli medalı;
“Qüsursuz xidmətə görə” III dərəcəli medalı;
“Azərbaycan Silahlı Qüvvələrinin 90 illiyi (1918-2008)” yubiley medalı;
“Azərbaycan Silahlı Qüvvələrinin 95 illiyi (1918-2013)” yubiley medalı;
2016-ci ilin aprel döyüşləri zamanı şəxsi heyətin qarşısına qoyulmuş döyüş tapşırıqlarının yerinə yetirilməsində fərqləndiyinə görə fəxri-fərman.
“Şücaətə görə” medalı.

Ailəsi[Vizual redaktə | HTML redaktə]

2004-cü ildə ailə həyatı qurmuşdur; Amin, Nərmin və Ömər adlı üç övladı vardır.

Xatirəsi[Vizual redaktə | HTML redaktə]

2019-cu ilin fevralında Şəkidə Aqşin Abdullayev haqqında “Həyatı nəsillərə örnək olan qəhrəman” adlı kitabın (müəllif: Kamil Adışirinov) təqdimatı keçirilib .

2019-cu ildə Beyləqanda onun haqqında ARB Şəki televiziyasının istehsalı olan “İmtahan” filminin (rejissor: İlham Əfəndi) təqdimatı keçirilib.

Ədəbiyyat[Vizual redaktə | HTML redaktə]

Şahpəri Abbasova (16:12 03.04.2019). "Şəhid mayor Aqşin Abdullayevin anası Dursun Cavadovadan ağrılı günlərin və dinməyən acıların hekayəsi". https://sputnik.az/ (azərb.). Sputnik. 6 Apr 2019 tarixində arxivləşdirilib.
"Şəhid Aqşin Abdullayev dəfn edilib - FOTO - VİDEO". https://report.az/ (azərb.). report.az. 28 Fevral , 2017 14:39. 1 Oct 2020 tarixində arxivləşdirilib.

Videolar[Vizual redaktə | HTML redaktə]